മനുഷ്യകുലത്തിന്റെ മുഴുവന്‍ രക്ഷയ്ക്കായി ഭൂമിയില്‍ അവതരിച്ച ദൈവപുത്രന്‍ എന്നു ക്രൈസ്തവര്‍ വിശ്വസിക്കുന്ന യേശുക്രിസ്തുവിനെ കുറിച്ച് ബൈബിൾ തരുന്ന ചിത്രം അദ്ദേഹം പക്കാ യാഥാസ്ഥികനായ ഒരു യഹൂദന്‍ ആയിരുന്നെന്നാണ്. ഒരുദാഹരണം:
യേശു അവിടെ നിന്നു പുറപ്പെട്ട്‌ ടയിര്‍, സീദോന്‍ എന്നീ പ്രദേശങ്ങളിലെത്തി. അപ്പോള്‍ ആ പ്രദേശത്തുനിന്ന്‌ ഒരു കാനാന്‍കാരി വന്നു കരഞ്ഞപേക്‌ഷിച്ചു: കര്‍ത്താവേ, ദാവീദിന്‍െറ പുത്രാ, എന്നില്‍ കനിയണമേ! എന്‍െറ മകളെ പിശാച്‌ ക്രൂരമായി ബാധിച്ചിരിക്കുന്നു. എന്നാല്‍, അവന്‍ ഒരു വാക്കുപോലും ഉത്തരം പറഞ്ഞില്ല. ശിഷ്യന്‍മാര്‍ അവനോട്‌ അഭ്യര്‍ഥിച്ചു: അവളെ പറഞ്ഞയച്ചാലും; അവള്‍ നമ്മുടെ പിന്നാലെ വന്നു നിലവിളിക്കുന്നല്ലോ. അവന്‍ മറുപടി പറഞ്ഞു: ഇസ്രായേല്‍ ഭവനത്തിലെ നഷ്‌ടപ്പെട്ട ആടുകളുടെ അടുത്തേക്കു മാത്രമാണു ഞാന്‍ അയയ്‌ക്കപ്പെട്ടിരിക്കുന്നത്‌. എന്നാല്‍, അവള്‍ അവനെ പ്രണമിച്ച്‌ കര്‍ത്താവേ, എന്നെ സഹായിക്കണമേ എന്ന്‌ അപേക്‌ഷിച്ചു. അവന്‍ പറഞ്ഞു: മക്കളുടെ അപ്പമെടുത്ത്‌ നായ്‌ക്കള്‍ക്ക്‌ എറിഞ്ഞുകൊടുക്കുന്നത്‌ ഉചിതമല്ല. അവള്‍ പറഞ്ഞു: അതേ, കര്‍ത്താവേ, നായ്‌ക്കളും യജമാനന്‍മാരുടെ മേശയില്‍നിന്നു വീഴുന്ന അപ്പക്കഷണങ്ങള്‍ തിന്നുന്നുണ്ടല്ലോ. യേശു പറഞ്ഞു: സ്‌ത്രീയേ, നിന്‍െറ വിശ്വാസം വലുതാണ്‌. നീ ആഗ്രഹിക്കുന്നതുപോലെ നിനക്കു ഭവിക്കട്ടെ. ആ സമയംമുതല്‍ അവളുടെ പുത്രി സൗഖ്യമുള്ളവളായി. (മത്തായി 15: 21-28)
ഈ സുവിശേഷ ഭാഗം വരച്ചുകാട്ടുന്നത് യേശു മുഴുവന്‍ പ്രപഞ്ചത്തിന്റെയും രക്ഷകനല്ല, യഹൂദ സമുദായത്തിന്റെ മാത്രം രക്ഷകനാണ്‌ എന്നത്രെ. കാനാന്‍കാരിയായ സ്ത്രീയോടുള്ള പെരുമാറ്റത്തില്‍ ഒരുവേള യേശുവിലെ യാഥാസ്ഥിതികന്‍ തലയുയര്‍ത്തി നില്‍ക്കുന്നത് കാണുവാന്‍ സാധിക്കും. പുരോഹിതൻമാർ പഠിപ്പിക്കുന്നത്‌ യേശു യഹൂദരുടെ മാത്രം അല്ല മുഴുവന്‍ മനുഷ്യകുലത്തിന്റെയും രക്ഷകനാണ്‌ എന്നാണ്. എന്നാല്‍ ഇവിടെ യേശു തന്നെ പറയുന്നു താന്‍ യഹൂദരുടെ മാത്രം രക്ഷകന്‍ ആണെന്ന്!! അപ്പോള്‍ സത്യത്തില്‍ യേശു യഹൂദരുടെ മാത്രം രക്ഷകണോ? അതോ മനുഷ്യകുലത്തിന്റെ മുഴുവനുമോ? യേശു മനുഷ്യകുലം മുഴുവന്റെയും രക്ഷകന്‍ ആയിരുന്നു എങ്കില്‍ പിന്നെ എന്തുകൊണ്ട് കാനാന്‍കാരി സ്ത്രീയോട് ഒരു യാഥാസ്ഥിതിക യഹൂദനെപ്പോലെ പെരുമാറി?
No comments:
Post a Comment